-- ADVERTISEMENT --
CEBU CITY-Gidali pagdala ang usa ka Korean national sa Badian District Hospital human malumos sa swimming pool sa resort sa Brgy. Basdiot, lungsod sa Moalboal.
Apan, patay na nga nadangat sa tambalanan ang giila nga si i Dalwon Soo, 25 anyos.
Nagkanayon ang Hepe sa Moalboal Police Station nga si Police Captain Etelberto Timagos nga ang inahan sa biktima ug ang mga higala niini nangaligo sa swimming pool sa gitulgan nga resort.
Gibutyag sa inahan nga 9 feet ang gilawmon sa swimming pool nga gilanguyan sa iyahang anak.
Dugang pa nga wala kini nabalaka nga ang iyahang anak misawum sa mao nga dapit sa pool tungod nga kahibaw kini molangoy apan wala damha nga mahitabo ang maong aksidente.
-- ADVERTISEMENT --
