CEBU CITY-Miabot sa Moalboal si Gwen Garcia ug DOT Sec. Christina Garcia-Frasco kagahapon adlawa, Disyembre 20, 2023 alang sa inagurasyon ug turn-over ceremony sa DOT-built Tourist Rest Area sa southern Cebu LGU.
Gipundohan ang pag-abli sa ikaupat nga TRA sa probinsiya ug ang ikapito sa Pilipinas nga gitukod sa Department of Tourism diin gipangulohan ni DOT Secretary Christina Garcia-Frasco.
Kauban usab ni Frasco si Cebu Governor Gwen Garcia, Moalboal Mayor Inocentes Cabaron, seventh district Congressman Peter John Calderon, pipila ka mga mayor sa silingang LGUs, ug mga representante sa Tourism Infrastructure and Enterprise Zone Authority (TIEZA).
Dako ang pagtuo ni Gobernador Gwen nga ang turismo maoy usa sa mga nag-unang tigpasiugda sa pagtubo sa ekonomiya.
Nisaad si Gobernador Garcia sa DOT management nga ang Kapitolyo motabang sa pagtukod og dugang mga TRA sa Probinsiya sa Sugbo aron mahatagan og kaharuhay ang mga domestic ug international nga mga turista.
Dugang niini, ang TRA naghatag og hamugaway nga lounge area, gift ug souvenir corner, charging station, ug information desk nga nagsilbi sa mga pangutana sa mga turista bahin sa mga lugar nga adtoan sa Carmen ug uban pang destinasyon sa Cebu, ingon man ang pinakabag-o nga kaharuhay nga mga lawak alang sa mga turista.
Gibutyag ni Frasco ang kaanidot niya nga kasinatian sa Cebu kabahin sa tourismo diin nailhan sa mga stakeholders ug mga turista sa tibuok kalibutan.
Subay niini, mapasalamaton si Frasco sa ehemplo nga gipakita sa probinsya sa cebu kung unsa ang mahimo aron malampuson ang pagtinabangay sa pagdumala sa turismo.
Gipasalamatan usab ni Secretary Christina si Gobernador Gwen sa kanunay nga pagsuporta sa mga programa ug proyekto sa DOT, kay nasayod nga ang Probinsiya sa Sugbo maoy usa sa mga nag-unang destinasyon sa lokal ug langyaw nga mga turista.
Sa iyang pakigpulong, malipayong gipahibalo ni Secretary Christina nga ang Turismo sa Pilipinas nakaani ug daghang mga awards para sa 2023, nga mao ang: World’s Leading Beach Destination, World’s Leading Dive Destination, Asia’s Leading Dive Destination, Asia’s Best Cruise Destination, City of Manila isip World’s Leading City Destination, ug kadaghanan. ang importante, sa unang higayon, ang Pilipinas gidayeg sa World Tourism Organization isip Global Tourism Resilience Awardee.
