CEBU CITY-Natanggong karon sa Mambaling Police Station ang usa ka lalaki human kini nanulis sa F.Vestil St., Brgy Mambaling Dakbayan sa Sugbo.
Giila ang maong suspetsado nga si Carlo Rosil Espejon, 22 anyos nga taga Sitio Tugas Brgy. Mambaling Cebu City.
Nadakpan ang maong suspetsado pinaagi sa citizen’s arrest kung diin ang biktima nga si BJ Gabuya Zabate, 24-anyos, usa ka criminology student nga taga Alumnos Basak San Nicolas Cebu City kauban usab sa arresting victim ang mga higala niini.
Usa ka kutsilyo nga adunay gitas-on nga 10 inches ang gigamit sa suspetsado sa pagpanulis kung diin gikuha niini gikan sa biktima ang cellphone nga nagkantidad og 12,000 ug kwarta nga 1,800 pesos.
Human sa pagpanulis dali nga nidagan ang suspetsado ug ang biktima paspas nga nakapangayo og tabang sa iyang mga higala hinungdan nga na-aresto ang maong suspetsado.
