Notado nga kawatan sa Liloan, sikop sa kapulisan

CEBU CITY-Nasikop sa Kapulisan sa Liloan Police Station ang usa ka notadong kawatan sa lungsod pinaagi sa buy-bust operation.

Giila ang nadakpan nga si alyas “Jef” taga Barangay Poblacion, Liloan, Cebu, kinsa nakuhaan og gidudahang shabu nga gibana-banang anaa sa 7.30 grams ang timbang nga mobalor og dul-an sa P49,640.

Nasayran usab nga ang maong nadakpan, maoy responsabli sa pagpangawat sa usa sa Tindahan nga nahimutang sa Barangay Catarman, Liloan, Cebu niadtong Pebrero 19, 2024 human nga nagtugma ang iyang hulagway sa kuha sa CCTV Footage.

Subay niini, gipahimangnon sa kapulisan ang katawhan sa Liloan, nga dili sila mohunong sa kampanya batok sa illegal nga drugas ug uban pang kriminalidad sa Lungsod.