CENTRAL VISAYAS-Mipasalig ang Regional Director sa Department of Education 7 nga si Dr. Salustiano Jimenez nga wala’y naapektuhan ug maapektuhan nga klase atol sa mga kalihokan sa mga umaabot nga adlaw hilabi na nga opsiyal na nga gi-ablihan ang Provincial Sports and Cultural Meet ug molungtad kini og pipila ka adlaw.
Gani, gitin-awan ni Jimenez nga padayon gihapon ang klase sa mga bata apan, ang mga atleta nga partisipante sa kalihokan mikuha og modular mode arun dili kini mabiyaan.
Ingon man nga sa mga tunghaan nga gigamit isip headquarters nga dili tanang classroom ang gi-okupar gumikan pipila lang niini ug ang mga tinun-an s amaong mga gigamit gi-shift usab sa modular.
Subay niini, gipaambit usab sa opisyal nga hapsay ug ‘smooth’ ang dagan sa tananag nagpadayon nga kompetisyon ug ang cultural presentation nga gidungan sa sports event hinungdan nga wala’y angay nga ikabalaka ang kadaghanan.
Nanghinaot usab kini nga ang kahapsay ug kalinaw sa tanang gipahigayon nga kalihokan sa ahensya magpabilin hangtud mahuman ang tanang pakigtigi sa mga bata.
