CENTRAL VISAYAS-Nakadawat ang mga babaye-empleyado sa DOLE Region VII og mga bulak ug naglingaw-lingaw sa harana sa mga nindot nga kanta nga gihalad sa Cebu Provincial Field Office, kini subay sa pagpadayon sa pagsaulog sa 2024 National Women’s Month.
Kini gipahigayun atol sa unang Lunes-sa-bulan nga joint Flag Raising ceremony, kung diin si DOLE-7 Regional Director Lilia A. Estillore ug OIC-Assistant Regional Director, Emmanuel Y. Ferrer naghatag sa ilang mga mensahe alang sa tanan ilabi na sa mga kababayen-an.
Mitambong usab ang mga attached agencies sa DOLE, sama sa National Conciliation and Mediation Board (NCMB) ug ang Regional Tripartite Wages and Productivity Board (RTWPB) ingon man ang partner-agency sa Department – ang Department of Migrant Workers (DMW)./
