CENTRAL VISAYAS-Gikabalak-an sa Commission on Human Rights ang gihatag nga pagtugot sa Philippine National Police sa mga sibilyan nga mamahimo ng makapanag-iya sa ilang kaugalingong semi-automatic rifle.
Sa pakighinabi sa Bombo Radyo Cebu News Team kang Atty. Arvin Odron, ang Regional Director sa CHR 7 diin mipadayg kini sa iyang kabalaka hilabi na nga ang kadaghanan sa mga krimen nga mitumaw adunay kalambigitan sa paggamit og armas.
Gani, gitataw ni Atty. nga bisan wala’y lisensya ang pipila ka mga indibidwal apan, nakahimo kini og kalapasan, ingon man pagpatay sa isig katawo.
Dugang pa nga kung gani tugotan nga mogamot og automatic rifle nga armas mas grabe ang impact niini kon itandi sa pistol o handgun.
Hinungdan nga dili kini uyon sa gihimo nga kausaban sa implementing rules and regulations sa Republic Act 10591 o ang Comprehensive Firearms and Ammunition Regulation Act.
Ingon man nga nanghinaot kini ug ilang gipanglantawan kung mamahimo nga magpabilin ang balaod nga dili mamahimong makahupot ang mga indibidwal nga dili sakop sa law enforcement agencies sa gobyerno.
