LAPU LAPU, CEBU-Nakatagamtam og temporaryong kagawasan ang 20-anyos nga Japanese national kinsang gidakop tungod sa malaw-ay nga binuhatan sa eroplano paingon sa Sugbo niadtong Marso 7, 2024.
Matud pa ni Police Lieutenant Colonel Christian Torres, ang tigpamaba sa LLCPO, nga na-release kini niadtong Sabado human nga nakapiyansa og 3,000, ingon man nga tungod sa nahimong resolusyon sa piskal, ang kasong gi-file sa kapulisan wala gidawat ug giigo nalang kini sa ‘Bawal bastos law’ hinungdan nga gamay ang pyansa niini.
Gidugang sa opisyal nga mamahimo na usab nga makabalik sa Japan ang maong lalaki apan, kung gani dili kini mopatim-aw sa iyang nagpadayon nga hearing, papalutsan kini og warrant of arrest.
Subay niini, mihatag usab og advise ang Lapu-Lapu City Police Office sa Aviation Security Group-7 nga ibutang sa blacklist ang 20-anyos nga Japanese national, ingon man nga makig-alayon kini sa buhatan sa Bureau of Immigration alang sa maong rekomendasyon arun dili na kini makasulod pagbalik sa Pilipinas.
