LAPU LAPU, CEBU-Patay ang 30-anyos nga lalaki human nabangga sa gikasugat niini nga sakyanan sa dalan sa Barangay Pajac, dakbayan sa Lapu-Lapu.
Sa gipahigayon nga imbestigasyon sa Lapu-Lapu City Police Office, giila ang biktima nga si Roger Valiente nga mi-overtake kini sa laing motorsiklo nga iyang gisundan apan, sa dihang pag-overtake ug natumong kini sa gikasugat nga awto ug misangpot sa head-on collision.
Samtang giila ang nagmaneho sa awto nga si Norhan Inrahim Manonggiring, 24-anyos.
Ingon man nga tungod sa grabeng nahiaguman niini ug milagpot pa, patay na kining naabot sa tambalanan.
Kasamtangang gitanggong si Manonggiring sa custodial facility sa LCPO, samtang ang kapolisan nangandam sa pagpasaka og kasong reckless imprudence resulting to homicide and damage to property batok kaniya.
