CEBU CITY-Gipakalitan sa mga sakop sa Philippine Drug Enforcement Agency Central Visayas, diin dul-an 50 ka mga driver ug konduktor sa public utility vehicles ang gipaubos sa ‘surprise drug testing’ sa Cebu South Bus Terminal gahapon, Marso 22, 2024.
Nasayran nga ang maong kinalit nga kalihokan arun masiguro nga luwas ang mga pagbyahe sa mga pasahero nga mouli ning nagsingabot nga Semana Santa sa ilang tagsa-tagsa ka mga probinsya.
Ang “Oplan Harabas,” nga ang urine specimens sa mga indibidwal gipa-ilalom sa on-site screening examination.
Hinuon, matud sa PDEA-7 nga negatibo ang resulta sa delikadong drogas.
Ingon man nga, gawas sa kinalit nga drug testing, nagpahigayon usab ang ahensya og ‘operational worthiness inspection’, diin gipangunahan sa mga K9 ug ang pag-apud-apos sa mga IC materials sa terminal.
