LILOAN, CEBU-Nasikop sa kapulisan sa Liloan Police Station, ang suspek nga mipatay ug mikuha sa mga personal nga butang sa usa ka lalaki sa Purok sunflower, Brgy. Poblacion, Liloan, Cebu, gahapon Abril 5, 2024.
Giila ang biktima nga si Baltazar Go Gonzalez, usa ka 47 anyos nga mahuyang, ug residente sa Purok sunflower, Brgy. Poblacion, Liloan, Cebu.
Samtang ang suspek, giilang si Mark Jeff Olivar Lujira,lalaki, usa ka 18-anyos, nakaila sa biktima sa usa ka laaganan sa Lungsod sa Liloan, kinsa residente sa Brgy. Licos, Danao.
Gitino ni Pmaj Eric C. Gingoyon, ang hepe sa Liloan Police Station, nga nasikop ang suspek pinaagi sa gipahigayun nga hot pursuit operation.
Una niini, adunay ni-report sa ilahang buhatan nga adunay patayng lawas nga nakita sa usa ka lawak.
Base sa imbistigasyon nga gihimo sa kapulisan, nadung-gan ang biktima sa iyahang mga silingan nga nagsiyagit sulod sa iyang lawak, sa pagsusi, ilang nabantayan nga gitrangkahan ang lawak sa sulod.
Nasayran usab nga diha sa sulod sa iyang lawak ang biktima uban sa suspek.
Pipila ka minuto ang milabay dihang misuway sa pagtuktok ang tag-iya sa balay, abli na ang pultahan ug nakita si Gonzalez nga nagbuy-od sa sulod nga wala nay kinabuhi.
Dugang pa, nga ang iyang mga mahalong butang nagkagubot ug ang uban gituohan nga gikawat.
Kasamtangang gitanggong sa custodial facility sa Liloan Police Station ang suspek samtang giandam ang mga gikinahanglang dokumento alang sa pagpasaka og Robbery with homicide.
