CEBU CITY-Nabalhog sa prisohan ang duha ka lalaki nga suspek sa pagpangawat sa usa ka service crew sa dalan sa Sanciangko sakop sa Barangay Kalubihan ning syudad sa sugbo.
Basi sa imbistigasyon, nga niduol ang duha ka suspek ug pwersahan nga gikuha gikan sa biktima ang cellphone niini nga nagkantidad og P8,500 ug daling mi-iskapo.
Apan wala’y swerte kay paspas nga narespondehan sa duha ka duty beat patrollers sa Cebu City Police Office nga naka assigned sa maong area nga sila Patrol Erl Kerwin Jumawan ug Patrolman Mark Sinag ang maong insidente diin nagpakitabang ang 26-anyos nga lalaking biktima sa kapulisan nga niresulta sa pagkasikop sa maong mga suspetsado.
Giila ni PCPT JADE BASINGAO, ang hepe sa buhatan sa Carbon Police Station 5, Cebu City Police Office ang 28-anyos nga suspetsado nga residente sa Brgy. Pahina Central ug kauban niini nga 41-anyos residente sa Brgy. Pahina San Nicolas ning dakbayan sa Sugbo.
Sa pagkakaron, tanggong sa Carbon Police Station 5 ang duha ka suspetsado samtang nag-atubang sa kasong Robbery./
Subay niini, nipahimangno si Cebu City Police Office City Director PCOL IRENEO DALOGDOG sa mga katawhan nga kanunay magmatngon sa ilang mga butang ilabi na sa mga empleyado o trabahante nga gabii na muoli arun makalikay sa mga dautang buhat.(CCPO-PIO)
