CENTRAL VISAYAS-Dili ma-expose sa grabeng kainit ang mga partisipante sa Central Visayas Regional Athletic Association Meet o kon CVIRAA nga ipahigayon sa dakbayan sa Sugbo diin sugdan karong Mayo 2 hangtod sa 9, 2024.
Mao kini ang pasalig nga gihatag sa mga opisyal sa Department of Education sa Central Visayas ug Cebu City Sports Commission (CCSC) aron masiguro ang kaayohan sa tanang estudyanteng atleta.
Matud pa ni CCSC Chairman John Pages, nga walay outdoor games nga ipahigayon gikan sa alas 9 sa buntag hangtod sa 3 sa hapon.
Dugang ni Cebu City Schools Division Superintendent Nimfa Bongo nga ang mga outdoor event itakda sa alas 6 sa buntag ngadto sa 9 sa buntag ug magpadayon sa hapon, gikan sa alas 3 sa hapon hangtod sa alas 8 sa gabii.
Ingon man nga mipasalig usab ni Dr. Salustiano Jimenez, ang Regional Director sa DepEd 7 nga ‘all set’ na ang tanang kinahanglan ug andam na ang tanang committed personnel alang sa naasoy nga kalihokan.
