VISAYAS COMMAND-Padayon nga nakahiagum og kapildihan ang Communist Party of the Philippines-New People’s Army o kon CPP-NPA sa rehiyon sa Kabisay-an, tungod sa dakong kapildihan sa teroristang grupo sa buwan sa Abril nunot sa wala’y puas nga nakatutok ang mga operasyong militar sa Visayas Command.
Gibutyag nga gikan sa Abril 1 hangtud sa 30 ning tuiga, mikabat sa 40 ka NPA terorista ang napatay; 22 niini ang nasikop, 16 ang nibalik sa balaod samtang duha ang namatay atol sa engkwentro.
Ingon man ang 28 ka mga NPA ang napatay sa Eastern Visayas samtang 12 sa Western Visayas.
Ug ang kinatibuk-ang 26 ka mga nagkalain-laing armas ang nakumpiskar sulod sa panahon uban ang usa ka anti-personnel mine.
Subay niini gipasiugdahan ni Lt Gen. Fernando Reyeg, ang Kumander sa VISCOM nga, ang CPP-NPA padayong nagsustenir sa dagkong kapildihan gikan sa gitutokan nga mga operasyong militar, ug hiniusang gipauswag nga mga operasyon sa militar ug kapulisan.
Ingon usab, ang ilang mga demoralized nga mga miyembro nagpadayon sa pagdagsa ug pagbalik sa mga toril sa balaod uban sa walay hunong nga localized peace engagement.
Gipadayag usab a opisyal nga padayon ang hanay sa armadong kusogarun a hingpit nga pagtuldok sa lokal nga komunistang armadong panagsangka sa rehiyon sa Kabisay-an.
Sa pagkakaron, gawas sa ilang paningkamot nga mapapas ang mga terorista, padayon usab silang nanawagan sa nahibiling CPP-NPA nga mobalik sa balaod ug magbag-o, ingon man nga makakat-on sa mga kasaypanan nga ilang nahimo ilabi na nga ang gobyerno andam sa paggiya kanila sa ilang kausaban.
