Gisupak sa Pilipinas ang pangangkon sa China nga gigamit kini isip paon sa Estados Unidos.
Matud ni Department of Foreign Affairs (DFA) Secretary Enrique Manalo sa usa ka pakigpulong nga gihatag ni DFA ASec. Marshall Louis Alferez sa strategic communication workshop sa Merchant Marine Academy nga adunay pipila nga gusto nga isipon ang WPS nga usa ka butang tali sa mga gamhanang nasud ug ang Pilipinas usa lang ka paon niining duwaa.
Apan ang kalihim mibarog sa iyahang lig-on sa pagsupak sa maong ideya.
Siya miingon nga ang maong pamahayag usa lamang ka yano nga paagi sa pagpatin-aw sa usa ka komplikadong isyu nga matod niya gidesinyo aron sa pagmaniobra sa mga tawo aron dili na makiglambigit.
Dugang usab niini, nga ang PH dili lang usa ka tumatan-aw sa sitwasyon sa WPS tungod kay kini kinahanglan nga molihok aron mapanalipdan ang atong interes pinaagi sa pakigbatok sa mga nagtinguha nga mapalayo kita sa atong mga katuyoan.
Gikasubo usab sa PH top diplomat ang bahin sa isyu sa West PH Sea sa dugay na nga panahon.
Matod niya, ang maong asoy gibabagan sa sayop nga impormasyon ug manipulasyon ug nagpugas sa pagkabahinbahin sa mga nasod ug katawhan.
Matud usab ni Sec. Win nga kinahanglang ibutyag sa PH ang ilegalidad sa 9-dash line sa China nga gigamit nga basehanan sa paghulga sa panginabuhi sa mga mangingisda pinaagi sa pagpanghasi ug pagpanghulga ug sa mga reclamation activities niini nga makadaot sa kinaiyahan sa maong kadagatan.
