-- ADVERTISEMENT --
Lakip sa napili nga mahimong host sa Miss Universe Philippines 2024 ang Emmy Award-winning TV personality nga si Jeannie Mai.
Kini maoy gipahibalo sa organizers sa Miss Universe Philippines diin ipahigayon ang coronation night karong Mayo 22 sa Mall of Asia Arena sa Pasay City.
Makauban niini si Miss Universe 2022 R’Bonney Gabriel ug ang aktor nga si Alden Richards.
Dili lang kini ang unang higayon nga mo-host si Mai tungod siya usab niadtong Miss Universe 2023 competition nga gipahigayon sa El Salvador niadtong buwan sa Nobyembre.
