LILOAN, CEBU-Igo nalang miingon ang amahan sa biktimang nakabsan sa kinabuhi human gipauwanan og mga bala samtang nagtambay kini sa usa ka convenience store sa Barangay Yati, lungsod sa Liloan, amihanang Sugbo, nga kung gani mosulod og mga grupo, siguraduhon nga mo-suporta kini ug dili mahurot nga mangamatay.
Mao kini ang giingon ni Darwin Wagas, ang amahan sa 16-anyos nga si Anaiza Wagas ngadto sa mga kaubanan niini sa Gang group bahin sa nahitabong pagpamusil niadtong Mayo 9, 2024.
Basi sa nagpadayon nga imbistigasyon nga posibleng motibo sa maong pagpamusil mao ang gang war, ingon man ang padayon nga operasyon sa pagdakop sa lima ka suspek.
Sa pikas bahin, gipahimangnoan ni Police Major Eric Gingoyon, ang hepe sa Liloan Police Station ang mga ginikanan nga banatayan pag-ayo ang ilang mga anak ilabi na ang mga menor de edad nga huyang ug dali nga matintal.
Lakip sa gipahimangnoan sa opisyal ang mga kabatan-onan nga himuon kini leksyon ug mosunod sa gipahamtang nga curfew ug kung mamahimo dili na mogawas sa ilang tagsa-tagsa ka mga panimalay.
