Plano sa Japan, United States, ug ang European Union nga palig-onon ang ilang mga lakang batok sa iligal nga pagnegosyo sa mga peke nga produkto kauban ang mga operator sa online nga mga kamerkaduhan.
Gipangunahan sa Organization for Economic Cooperation and Development, ang pakigtambayayong niini sa mga operator sa online marketplace sama sa Amazon.com Inc. ug Rakuten Group Inc., ug uban pa nga ang tumong arun sa pagpalambo sa mga guidelines sa tuig 2025 ug aron mapugngan ang mga peke nga produkto nga ibaligya online.
Tungod kini sa epekto sa mga peke nga produkto sa ekonomiya diin gihimo ug gi-eksport sa China ug uban pang mga nag-uswag nga mga nasud.
Gani, ang OECD nagtukod og usa ka task force sa pagsumpo sa iligal nga peke nga patigayon sa ulahing bahin sa 2022 ug nagsugod sa mga diskusyon sa lebel sa gobyerno bahin sa isyu sa miaging bulan.
Pinaagi sa pag-establisar og mga guidelines, ang OECD naglaum nga dasigon ang mga operator sa pagpakusog sa ilang mga paningkamot sa pagpugong sa pamatigayon sa mga peke nga produkto sama sa sapatos, sinina, bag, ug mga kosmetiko.
Ug gilauman usab nga ang mga gobyerno maghimo og balaod aron mataptan ang mga peke nga produkto.
