CENTRAL VISAYAS-Magpadayun sa pag-biyahe ang ‘unconsolidated’ nga public utility vehicle sa Cebu City, kini bisan paman sa pamahayag sa Land Transportation Franchising and Regulatory Board nga sugod karong adlawa, dili na tugotan nga makabiyahe ang tanang unconsolidated PUVs.
Kini ang gipahibalo ni Greg Perez, leader sa Pagkakaisa ng mga Samahan ng Tsuper at Operator Nationwide (Piston) in Cebu, subay sa pakighinabi kaniya sa Bombo Newsteam.
Gidugang pa niini, nga magpadayun sila nga walay kahadlok ug ilaha na lamang nga hulaton kung unsa ang tukmang action nga buhaton sa Land Transportation Franchising and Regulatory Board-Central Visayas, ug inun man sa Land Transportation Office kabahin sa ilahang gihimo.
Subay niini, padayun kini nga nanawagan sa mga daryber ug Operator sa Central Visayas, nga magpadayun sa pakigbisog kabahin sa ‘jeepney modernization program’, gumikan kay wala pa kini mahuman ug gikinahanglan silang maghiusa, ilabi na ang mga na-apektohan niini.
Sa pikas bahin, gitauran sa LTFRB 7 og mga tracking devices ang mga traditional jeep nga nagtinguha nga masulbad ang problema sa mga trip cutting.
Ingon man nga mokabat sa kapin ka libo ka mga dyip ang natauran sa maong lakang sa buhatan ug pipila ka mga drivers niini walay supak tungod kay sa pagtuo nila nga dako kini og tabang sa ilaha.
