Gibasura sa prosekusyon ang mga reklamo nga giatubang sa kanhi pulis ug sa iyang drayber kalabot sa pagkawala sa beauty queen nga si Catherine Camilon.
Kini ang gitaho sa Calabarzon Police human gibasura sa korte ang kasong kidnapping ug illegal detention nga giatubang ni kanhi police Allan de Castro, iyang drayber nga si Jeffrey Magpantay o alyas Jepoy, ug laing duha ka John Does tungod sa giingong kakuwang sa ebidensya.
Sa usa ka pamahayag, si Calabarzon Police regional director PBGen. Paul Kenneth Lucas nga ilang gitahod ang desisyon sa korte kalabot sa nasangpit nga kaso.
Apan sa samang higayon, iyang gipasalig nga buhaton sa kapulisan ang tanan aron mahatagan og hustisya si Catherine Camilo ug ang pamilya niini.
Kung kahinumdoman, nataktak sa serbisyo si Allan De Castro niadtong Enero 2024 human ang missing nga biktima nga si Camilon niangkon nga uyab niya bisan pamilyado na kini.
Siya usab ang gikonsiderar nga nag-unang suspek sa pagkawala sa biktima, apan hangtod karon nagpakahilom pa kini kalabot sa nasangpit nga kaso
