Mokabat sa 4.2 milyones ka mga rehistradong botante ang ma-deactivate human sa 2023 Barangay ug Sangguniang Kabataan Elections.
Mao kini ang gipahibalo sa Commission on Elections.
Basi sa pinakaulahing datus sa poll body, moabot sa 4,239,483 ka mga botante ang matangtang sa opisyal nga listahan sa mga botante gikan sa 67,839,861 ka rehistradong botante atol sa 2023 BSKE..
Niini nga gidaghanon, adunay kinatibuk-an nga 4,237,054 ang ma-deactivate tungod sa kapakyas sa pagbotar sa duha ka sunodsunod nga nag-una nga regular nga eleksyon.
Ingon man nga ang Calabarzon maoy nag-una sa listahan sa mga botante nga ma-deactivate tungod sa wala pag-apil sa duha ka eleksiyon sa 733,245, gisundan sa Central Luzon nga adunay 503,280.
Subay niini, ang poll body nagpahigayon sa mga kalihokan sa pagparehistro sa mga botante sa tibuok nasud, lakip ang pagpaaktibo pag-usab sa mga rekord sa pagparehistro, nga molungtad hangtod sa Setyembre 30.
