Gipahibalo ni International Criminal Court chief prosecutor Karim Khan KC nga nag-aplay sila og warrant of arrest batok kang Israeli Prime Minister Benjamin Netanyahu ug Hamas Leader sa Gaza nga si Yahya Sinwar.
Giingon niini nga adunay makatarunganon nga sukaranan nga ang duha mao’y responsable sa mga krimen sa gubat batok sa katawhan kaniadtong Oktubre 7, 2023.
Lakip usab nga gipasikop ang duha pa ka mga lider sa Hamas nga sila si Ismail Haniyeh ug Mohammed al-Masri, ingon man ang Israeli defence minister nga si Yoav Gallant.
Giinsistir ni Khan nga ang duha ka bahin managsama nga responsable sa insidente nga mao ang pag-atake sa Israel sa Hamas ug ang mga krimen sa gubat ug mga krimen batok sa katawhan nga nahimo sa Israel sa Estado sa Palestine sa Gaza Strip.
