Nipasalig ang bag-ong napiling lider sa Senado nga si Senador Francis Escudero nga mohimo sila og “conscience vote” sa divorce proposal sa nasod.
Ang reaksyon ni Escudero nunot sa pag-aprobar sa divorce bill sa Kamara diin sa una adunay 126 ang pabor, 109 ang nisupak ug 20 ang ni-abstain apan sa ulahi nahimong 131 ang nipabor.
Matod sa pamunoan sa Senado, nga ang mahimong baruganan sa mga senador sa divorce bill mao ang konsensya ug personal vote, ingon man ang pagtandi ug pagtimbang sa ilang sa ilang mga tagsa-tagsang gituohan ug relihiyon.
Dugang pa si Escudero nga wala siya’y balak nga mandoan ang mga senador sa pagsuporta o pagsupak sa maong sugyot.
Apan kon si Escudero ang pangutan-on, dili ang divorce apan mas gusto niya nga palapdan ug himoong barato ug accessible ang annulment ubos sa family code.
