Supreme Court, gihukman nga guilty si Kanhi-Atty, Larry Gadon sa kasong Gross Misconduct

Gihukman nga guilty sa Korte Suprema si kanhi-atty. Larry Gadon tungod sa Gross Misconduct.

Matod sa korte, si Gadon nipasaka og walay basehanan nga kasong kriminal batok sa pipila ka opisyal sa Korte Suprema.

Gipasanginlan niini si kanhi Chief Justice Maria Lourdes Sereno nga nameke og temporary restraining order sa Korte Suprema nga gibasura tungod sa kakuwang sa lig-ong ebidensiya.

Tungod niini, gipamulta sa korte si Gadon og P150,000 ug dili siya mahatagan og judicial clemency.

Sa laing bahin, ang SC wala magpahamtang og disbarment batok kang Gadon tungod kay kini ang unang higayon nga nahatagan siya og susamang silot.