Gibag-o sa usa ka magbabalaod ang iyang panawagan nga silotan ang mga telecommunications entities nga mokabat og P1 milyon kada adlaw tungod sa pagkapakyas sa pagkab-ot sa compulsory internet speeds.
Subay sa paningkamot maamendahan ang Public Telecommunications Policy Law.
Ubos sa House Bill 10215, ang representante sa Makati City nga si Luis Campos Jr., nagtinguha nga pamultahon ang mga telecommunications firms og P1 milyon matag adlaw o P365 milyon matag tuig hangtod nga makab-ot nila ang hingpit nga pagsunod sa pinugos nga internet speed target.
Matud niini nga ang Pilipinas kay usa sa adunay pinakahinay nga internet sa Southeast Asia, ug pinaagi sa usa ka buhat sa Kongreso kay matul-id kini ug maayo.
Ang balaodnon nagtinguha sa pagklasipikar sa internet connection isip “basic service” nga mahisakop sa hurisdiksyon ug regulatory power sa National Telecommunications Commission (NTC).
Sa pagkakaron, ang internet connections gikonsiderar nga value-added service (VAS), nga gawas sa hurisdiksyon sa NTC.
