Migradwar ang usa ka 62-anyos nga lola sa Alternative Learning System sa Mati City, Davao Oriental.
Giila ang maong lola nga si Sonia Bestes Bagayas, nga adunay walo ka anak.
Nasyaran nga usa kini ka massage therapist sukad pa sa pagkabata ug gumikan sa iyang pagkugi nakahuman niini ang tanang niyang anak.
18-anyos nga naminyo si lola Sonia apan, wala nakalimtan ni lola ang iyang pangandoy nga makahuman sa skwela o makakuha og diploma.
Napaambit usab niini ang pipila ka mga pagsulay nga iyang naagian sama nalang sa dihang na-disale ang iyang bana sa edad nga 52-anyos gumikan sa spine injury, rason nga kinahanglang magdoble kayod si lola.
Apan, taliwa sa mga pagsuway nga ilang nasinatian, wala kini nahimong babag o nawad-an og paglaom gumikan siya na lamang ang wala pa nakahuman sa ilang pamilya.
Gani, gipasigarbo sab ni lola Sonia ang iyang driving skills gumikan NC II Driving holder kini.
