Gipasabot ni Mari-Andylene Quintia, Resident Volcanologist, Kanlaon Volcano Observatory kabahin sa giingong nahitabong lahar flow o gitawag nga secondary hazard nga midagayday sa Tamburong Creek, Barangay Biak-na-bato, La Castellana, Negros Occidental nunot sa pagbuto sa Bulkang Kanlaon niadtong Hunyo 3.
Matud niini nga tungod sa nasinati nga kusog nga pagbunok sa uwan sa first loop sa Bulkang Kanlaon human kini mibuto kay na-trigger ang mga na-settle nga debris sa Bulkan ug na-wash out kini ug miresulta sa giingong lahar.
Subay niini, gipadayag usab ni Andylene nga taas ang Chansa nga mobuto pagbalik ang Bulkan basi sa ilang monitoring diin nagpakita og sustainability level sa Seismicity gikan sa ilang narecord nga mga volcanic earthquakes ug ang padayon nga pagbuga og mga steam sa baba sa Bulkan.
Hinungdan nga possible pa ang mga phreatic eruption sa mga mosunod nga adlaw.
Sa pagkakaron, anaa pa sa Alert Level 2 ang status sa Bulkan apan, gipaambit niini nga mamahimong mapaubsan kini kon gani mokunhod ang mga aktibidad sa gipahigayon nga monitoring parameters.
