Nagplano si Gobernador Gwendolyn Garcia nga mopahigayon og international gathering sa mga negosyante, tourism stakeholders ug medical experts sa Sugbo alang sa pagsaulog sa 455th Founding Anniversary sa Probinsya.
Nihatag si Garcia og mga imbitasyon sa lain-laing mga grupo atol sa iyang biyahe ngadto sa Russia sa Moscow ug St. Petersburg alang sa pagbag-o sa panag-uban sa panag-igsoonay ug usa ka pakigpulong sa St. Petersburg International Economic Forum 2024.
Diin ang maong miting ug mga dayalogo sa mga lider sa negosyo sa Russia ug ASEAN nga nagsusi sa mga posibilidad sa pagpamuhunan sa Sugbo.
Lakip sa iyang giimbitar mao ang mga lokal nga opisyal gikan sa Saint Petersburg, mga lider sa negosyo gikan sa St. Petersburg ug Moscow chambers of commerce, mga opisyal sa Russian air transport agency, independent travel agencies, ug uban pang stakeholders.
Ang gobernador niingon nga gikinahanglan ang pagtambong sa mga travel agencies, mga opisyal sa turismo, mga opisyal sa Federal Agency for Air Transport Agency aron ilang mahisgutan ang katumanan sa pagbutang og mga direktang flight gikan sa Russia paingon sa Sugbo ug vice versa sa usa ka Filipino airline o usa ka Russian airline.
