Nagpahayag ang Group of 7 sa padayong pagsupak sa delikado nga paggamit sa China sa coast guard ug maritime militia sa gilalisan nga kadagatan ug padayon nga pagbabag sa ubang mga nasud gikan sa libreng paglawig sa kadagatan.
Kini ang gipahibalo sa G7 sa usa ka pahayag gikan sa ilang summit nga gipahigayon sa Apulia, Italy.
Sumala sa mga lider sa G7, nga nagpabilin sila nga nabalaka mahitungod sa sitwasyon sa mga katubigan nga gilantugian ug gipasiugda ang ilang kusganong pagsupak sa bisan unsang unilateral nga pagsulay sa pag-usab sa status quo pinaagi sa kusog o pagpamugos.
Gipadayag sa G7 ang lalom nga kabalaka sa nagkagrabe nga paggamit sa mga peligro nga maniobra ug mga water cannons batok sa PCG, BFAR ug mga chartered supply ships.
Subay niini, nga wala’y ligal nga basehan ang halapad nga pag-angkon sa dagat sa China sa katubigan ug gisupak usab sa grupo ang mga kalihokan sa militarisasyon ug pagpanghulga sa China sa maong mga kadagatan.
Gipasiugda usab sa G7 ang UNCLOS ug ang 2016 nga hukom sa arbitral case sa PH nga nag-invalidate sa 9-dash line claim sa China.
