Babaye nga 7’4 ang gitas-on, nangita’g uyab

Nangita og uyab ang 25-anyos nga maanyag nga babaye nga si Xiao Mai nga lumulopyo sa Heilongjiang province sa China.

No boyfriend since birth si Mai apan, giklaro niini nga dili siya pilian ug nahitabo lang nga wala pa niya mahimamat ang lalaki nga nagpapitik sa iyang kasingkasing.

Ug hangtod karon wala pa siya’y nakita nga makapa-excite ug mahatagan og tam-is nga YES.

Gipaambit niini nga daw gilikayan siya sa iyang mga potential admirers o mga lalaki tungod sa iyang height o gitas-on isip usa ka babaye.

Tungod sa iyang 7’4, aglisod kini og pangita og uyab.

Gani, mas taas siya kay sa Guinness World Records tallest living woman Rumeysa Gelgi, kansang gitas-on 7 feet 0.7 inches ang gitas-on sa edad nga 27 nga gikan sa Turkey.