SHANDONG, CHINA-Nabulabog ang malinawon nga pagtan-aw sa mga tawo sulod sa usa ka sinehan sa Shandong, China sa dihang kalit nga wala na nakaginhawa ang usa ka lalaki human kini mikatawa og kusog.
Tungod sa iyang paghunat sa pagkatawa, natuk-an kini sa iyang gikaon nga popcorn.
Basi sa taho nga nalingaw ang tanan sa dihang adunay magtiayon nga duol sa lalaki ang unang nakabantay ug gitudlo sa lalaki ang iyang tutunlan nag nagpasabot nga dili kini makaginhaw.
Ang iyang asawa misulay sa paghimo sa Heimlich maneuver apan wala niya kini makaya.
Busa usa sa ilang mga kauban sa sinehan ang miboluntaryo sa pagbuhat ug mao na la’y giluwa sa lalaki ang nakabara sa iyang tutunlan kay usa ka popcorn.
Ingon man nga human sa maong panghitabo, gipadayon na sa mga tawo ang ilang pagtan-aw sa salida.
