US Rapper Travis Scott, gidakop sa Paris human nakig-away sa mga guwardiya sa hotel

PARIS-Gidakop sa mga awtoridad sa Paris ang American rapper nga si Travis Scott tungod sa pagpakig-away ini sa mga guwardiya sa hotel.

Base sa mga awtoridad, giingong giatake sa 33-anyos nga rapper ang security guard sa George V hotel.

Naa sa Paris ang rapper kay nagtan-aw siya sa duwa tali sa USA basketball team ug Serbia sa Olympics.

Uban kini sa Amerikanong negosyante nga si Michael Rubin ug kaubang rapper nga si Quavo.

Sa mga milabay nga mga bulan, siya gidakop pud sa Miami tungod sa laing away sa usa ka pribado nga yate.

Niadtong 2021, 10 sa mga fans niini ang namatay tungod sa stampede nga nahitabo sa Astroworld festival sa Houston, Texas.