Napalgan sa mga awtoridad ang lawas sa British tech entrepreneur nga si Mike Lynch human nalunod ang yate nga iyang gisakyan sa Sicily.
Matud sa mga otoridad, nakit-an ang iyahang patay nga lawas sa sulod sa nalunod nga luxury yacht.
Ang iyang 18-anyos nga anak nga babaye nga si Hannah nalang ang wala makit-an.
Kahinumdoman, nga ang luxury yacht nga Bayesian adunay sakay nga 22 ka mga pasahero ug tripulante dihang naigo kini sa water spout ug nalunod sa Porticello sa silangang bahin sa Palermo.
Sa nahisgutang mga pasahero, 15 ang nakalas lakip ang asawa ni Lynch nga si Angela Bacares.
Wala dayon makita ang mga lawas sa mga biktima nga sila Mike Lynch, Hannah, Morgan Stanley International bank chairman Jonathan Bloomer ug iyang asawa nga si Judy Bloomer, Clifford Chance, abogado Chris Morvillo, iyang asawa nga si Neda Morvillo ug chef sa barko nga si Recaldo Thomas.
Ang ilang mga lawas nakit-an lamang human sa pipila ka mga adlaw.
Nasuta nga ang yate nalunod sa giladmon nga anaa sa 164 ka tiil ilawom sa dagat.
