Hezbollah, gipasalig ang pagbalos batok sa Israel pagkahuman sa pagbuto sa pager

Nipasalig ang militanteng grupong Hezbollah nga ilang patubagon ang Israel.

Kini nunot sa pagbuto sa ilang mga pager nga mipatay sa siyam sa ilang mga sakop ug nakaangol sa daghan pang uban.

Sukad sa dekada 90’s, ang Hezbollah mihunong sa paggamit sa mga cellphone tungod sa kahadlok sa Israel sa pagmonitor kanila.

Mas gusto nila nga mogamit na lang og pager aron makakuha og mga mensahe.

Nagtuo ang gurpong Hezbollah nga ang Israel migamit ug espesyal nga software sa pagpabuto niini.

Bisan ang Lebanon mibasol sa Israel sa nasangpit nga insidente ug mipasalig nga balos.

Ang Israel wala pa maghatag kasayuran o pag-angkon bahin sa insidente.