LAPU-LAPU CITY, CEBU-Pormal nang gi-turnover sa Philippine Air Force – Brigadier General Benito N. Ebuen Air Base ang bag-ong gitukod nga fixed hangar ug parking ramp project sa maong air base atol sa ceremonial blessing niini niadtong Huwebes Septiyemrbe 19, 2024.
Kini nga seremonyas gitambongan nila Lapu-Lapu City Lone District Congresswoman Cindi King-Chan, uban sa mga konsehal sa dakbayan sa Lapu-Lapu ug mga dignitaries diin gikan kini sa Tatag ng Imprastruktura para sa Kapayapaan at Seguridad (TIKAS) program sa pagpalig-on sa depensa sa nasud.
Ang fixed-wing hangar nagsangkap og gibana-bana nga 2,300 square meters ug gidesinyo aron mapasilong ang multi-bilyon ka pesos nga C-130 nga eroplano sa Philippine Air Force gikan sa dili maayong kondisyon sa panahon.
Kini nga pasilidad makapauswag pag-ayo sa kaandam sa operasyon sa Air Force, makapahimo sa mas luwas ug mas episyente nga pagmentinar sa mga eroplano.
