PROVINCE OF CEBU- Gikostudiya sa Moalboal ang anaa sa 38 ka mga undocumented Chinese national.
Kini human nga gi-ronda sa kapolisan sa Sugbo ang laing ilegal nga Philippine Offshore Gaming Operator (POGO) sa Cebu.
Apan ning higayuna, nahitabo ang raid sa usa ka sikat nga diving destination sa habagatang kasadpan sa Sugbo sa Barangay Saavedra, lungsod sa Moalboal, gahapon Miyerkules, Oktubre 9,2024.
Kini subay sa mga taho nga adunay gidudahang mga kalihokan sulod sa sa usa ka rental establishment sa naasoy nga Lungsod.
Hinungdan, nga dali nga mihimo ug inspection ang PRO-7 uban sa koordinasyon sa Moalboal Office of the Building Officials, Municipal Planning Development Office, Municipal Order Peace Council, Business Permit and Licensing Office ug ingon man BFP moalboal.
Sa pakighinabi sa Bombo Newsteam kang Police Captain Brigido J. Paca II, ang Officer-in-Charge sa Moalboal Police Station, gitino niini nga nakit-an ang kinatibuk-an nga 38 ka mga undocumented Chinese nationals nga gikatahong naglambigit sa POGO activities.
Sa pagsuwat ning balita, ang mga dinakpan nga mga langyaw gitanggong sulod sa usa ka resort sa samang barangay samtang padayon pa ang dugang imbestigasyon.
