Nakapatay og labing menos 50 ka mga Palestinian sa Gaza Strip ang Israeli military strikes samtang ang mga pwersa sa Israel kay naghugot sa ilang pag-ipit sa palibot sa Jabalia sa amihanan sa enclave gahapong adlawa.
Matud sa mga opisyal sa panglawas sa Palestinian nga labing menos 17 ka mga tawo ang namatay sa sunog sa Israel duol sa Al-Falouja sa Jabalia, ang kinadak-an sa walo ka makasaysayanong kampo sa mga refugee sa Gaza, samtang 10 ang namatay sa Bani Suhaila sa silangang Khan Younis sa dihang ang Israeli missile miigo sa usa ka balay.
Samtang, usa ka airstrike sa Israel ang miguba sa tulo ka mga balay sa suburb sa Sabra sa Gaza City, ug ang local civil emergency service nag-ingon nga nakuha nila ang duha ka mga lawas gikan sa site, samtang ang pagpangita nagpadayon alang sa 12 nga ubang mga tawo nga gituohang anaa sa mga balay atol sa pag-igo sa strike.
Ug laing walo pa ang namatay sa dihang naigo ang usa ka balay sa kampo sa Nuseirat sa sentro sa Gaza.
Ang Jabalia nahimong sentro sa usa ka opensiba sa Israel sulod sa kapin sa 10 ka adlaw, uban sa mga tropa nga mibalik sa mga dapit sa amihanan nga nailalom sa grabeng pagpamomba sa unang mga buwan sa tibuok tuig nga gubat.
