Nagpadala na og imbitasyon ang quad committee sa House of Representatives kang kanhi Presidente Rodrigo Duterte nga nag-imbestigar sa mga kaso sa extrajudicial killings human sa pagpatuman sa war on drugs campaign sa miaging administrasyon.
Ang imbitasyon gipetsahan niadtong Oktubre 18, 2024 ug gipirmahan ni House Committee on Dangerous Drugs chairman Robert Ace Barbers, ang kinatibuk-ang chair sa quad committee.
Nasayran nga ang imbitasyon kay nagpahibalo kang Duterte bahin sa pagdungog nga ipahigayon sa Oktubre 22 sa People’s Center Building sa House of Representatives sa Batasan Complex, Batasan Hills, Quezon City.
Ingon man nga miluwat na og pamahayag ang kanhi presidente nga andam kini nga motambong sa higayon nga makadawat kini og imbitasyon sa quad comm arun matubag ang hisgutanan kalabot sa EJK.
Ug kahinumduman nga wala motambong si Duterte sa miaging mga hearing sa komite.
