Ex-Pres. Duterte, dili makatambong sa Quad Comm hearing – lawyer

Dili makatambong si kanhi Presidente Rodrigo Duterte sa Quad Committee hearing.

Matod sa abogado ni Duterte nga si Atty. Martin Delgra, mubo ra kaayo ang oras gikan sa pagkadawat nila sa imbitasyon ug sa mismong adlaw sa pagdungog.

Giingong kinahanglan usab nga tagdon ang kahimtang sa kanhi presidente tungod sa iyang pangedaron, panglawas ug umaabot nga pagbiyahe.

Nasayran nga bag-o lang nakabalik si Duterte gikan sa Metro Manila tungod sa pipila ka mga tigom.

Posibleng mag-atubang siya sa hearing kung aduna pay schedule sunod buwan.