Hari sa Espanya, gilabayan og lapok sa dihang mibisita sa lugar nga gibahaan

VALENCIA, SPAIN – Napuno sa tensiyon ang Paiporta, Valencia, human gilabayan og lapok si King Felipe.

Nasayran nga didto ang hari sa Spain aron bisitahon ang mga lugar nga gibahaan tungod sa sobrang pag-ulan.

Ang mga security personnel sa hari migamit ug payong aron mapanalipdan siya gikan sa gilabay nga lapok.

Gawas sa lapok, ang mga tawo usab nanglabay usab og basura ug uban pa.

Sa samang higayon, ilang gisinggit ang ilang mga mulo ug giinsulto ang mga opisyal sa ilang nasod.

Nasayran nga moabot ngadto sa 211 ka mga tawo ang nangamatay sa dakong baha sa Spain tungod kay ang katumbas sa usa ka tuig nga pag-ulan mibundak sulod lang sa usa ka adlaw, niadtong hinapos nga bahin sa Oktubre.