CEBU CITY-Gitanom ang dul-an 10,000 ka punoan sa bakhaw (mangrove) sa mga sakop sa Cebu City Disaster Risk Reduction Management Office (CCDRRMO), Cebu City Environment and Natural Resources Office (CCENRO) ug mga sakop sa Barangay Fire Brigade sa kagamhanang dakbayan sa Sugbo karong adlawa sa Sabado, Nobyembre 23, 2024.
Gibana-bana nga muabot sa 300 ka mga indibidwal ang miapil sa maong kalihokan nga gipangulohan ni Cebu City Mayor Raymond Alvin Garcia, City Councilor Joel Garganera, chairman sa Committee on Environment, CCDRRMO Head Aderson Comar, ug ni Capitol site Barangay Captain Kelly Quijada, kinsa mao sab ang presidente sa Barangay Fire Brigade nga gilusad sa South Road Properties pabor sa Regional Office sa Department of Public Works and Highways – Central Visayas (DPWH-7).
Ang maong kalihokan sa mangrove planting kay kabahin saika-6 nga anibersaryo sa Barangay Fire Brigade sa dakbayan sa Sugbo.
Ang pagtanom og mga bakhaw makatabang sa pagpanalipod sa natural nga mga embankments, pagpausbaw sa aquatic biodiversity, ug pagpaayo sa ecological environment.
