CEBU CITY- Gilimod sa 36-anyos nga lalaki kinsang giila nga “BAJAO”, usa ka sakop sa Bajao Community sa Sitio Naba, Barangay Mambaling sa dakbayan sa Sugbo apan lumad nga taga Zamboanga City ang pagkasakmit sa mga gituohang shabu nga motimbang sa 100.42 gramos nga adunay gibana-banang kantidad nga P682,856.00.
Atol sa pakighibani sa Bombo Radyo Cebu sa suspetsado nga si Sujie Dering Leyo diin kusganong gihimakak niini inay gitamnan lang kini sa mga illegal nga drogas.
Apan, sa pakighinabi sa Bombo Newsteam kang Police lt. Christian Darcy Fat, Deputy Commander for Administration sa CMFC, CCPO giila niini si Leyo nga anaa sa listahan sa ‘high value individual’ nga namaligya og illegal nga drugas ug dugay na matod nila kini nga namonitor.
Kana gumikan moabot kini og pagpamaligya sa Duljo diin makabaligya siya og 150 gramos matag semana.
Sa pagkakaron, padayon pa nga gisuta sa kapulisan sa Sawang Calero ang pagtumbok kung kinsa ang kontak niini sa City Jail subay usab sa unang giangkon sa nadakpan nga anaa sulod sa Cebu City Jail ang iyang contact ug matod pa ihatod lang sa iyaha ang supply sa illegal drugas.
