TALISAY CITY-Hilabihang naangol ang usa ka senior citizen human kini nabangaan sa usa ka taxi sa kilid sa kadalanan sa Sitio Ranger, Barangay Pooc, dakbayan sa Talisay niadtong Disyembre 14, 2024.
Kini ang gitaho sa City of Talisay Traffic Operations and Development Authority (CT-TODA) diin sa pagsubay sa serye sa panghitabo nga ang drayber sa maong taxi kay ang 17-anyos nga lalaki nga anak sa taxi driver kinsa gitugyanan sa iyang amahan nga washingan kini.
Sa inisyal nga imbestigasyon kay nawalaan sa kontrol ang 17-anyos human adunay “kaka nga tapay-tapay” (spider) ang mitugpa sa iyaha samtang nagmaneho.
Hinungdan nga ang tiguwang nga biktima kay nabangaan og nadasok pa sa ilawom sa taxi.
Daling miresponded sa disaster team sa dakbayan og gidala ang biktima sa tambalanan sa Cebu South Medical Center.
Maayo nalang og anaa na sa maayo nga kahimtang ang biktima kinsa nagpadayon sa pagpauli sa nahisgutang tambalanan.
