CEBU CITY-Gipalig-on sa kapulisan sa Central Visayas ang ilang paningkamot aron masiguro ang kaluwasan sa publiko sa tibuok pagsaulog ning Pasko ug Bag-ong Tuig.
Hinungdan nga, nihimo og kalit nga inspeksyon sa mga transport ug port terminals si Police Brigadier General Roy B Parena, ang Officer-in-Command sa PRO-7, ingon man sa ubang mga tindahan sa pabuto sa dakbayan sa Sugbo ug Lapu-Lapu, nga nagpalig-on sa mga lakang sa seguridad sa Police Regional Office 7.
Giubanan kini sa mga dagkong opisyalis nga sila si Police Colonel Antonietto Cañete, Director sa Cebu City Police Office; Police Colonel Julius Sagandoy, Director sa Mandaue City Police; Police Lieutenant Colonel Jeffrey Bilaro, Officer-in-Charge sa Regional Civil Security Unit; ug Police Lieutenant Colonel Catherine Ramos, Officer-in-Charge sa Regional Operations Division 7.
Misusi si PBGen Paren sa mga personnel deployment ug security protocols.
Sa pikas bahin, mipahigayon og inspeksyon si City Director Cebu City Police Office Police Colonel Antonietto Cañete sa mga police stations sa dakbayan sa Sugbo aron masiguro nga kompleto sila sa kahimanan ug pagpangandam sa bisan unsang emerhensya.
Lakip sa mga Station nga gibisita sa pangu mao ang Police Stations 1,3, 5 ug 6.
Gisusi niini ang kaandam sa mga personahe sa pulisya, ang pagkaanaa sa mga kapanguhaan, ug ang pagkaepektibo sa mga sistema sa komunikasyon ug lakip usab sa mga inspeksyon ang pagsiguro nga ang mga pulis nagtuman sa Taman Bihis
