CEBU CITY-Nagtingkagol karon sa prisohan sa Inayawan Police Station ang usa ka 25 anyos nga lalaki human ini nanglugos sa kainom nga 21 anyos nga dalagita sayong kadlawn adlaw sa Pasko, Disyembre 25, 2024.
Giila ang suspek sa alyas nga “Kerwin” nga usa ka construction worker diin sa pakigsubay nga nagtagay sa ilimnong makahubog sa mga higala niini sa Sitio Mansinitas, Barangay Cogon Pardo ning dakbayan sa Sugbo.
Nasuta nga hubog na kini pag pasado alas 4 sa kadlawn nga dayong misulod lang og kalit sa kwarto sa silingan nila diin ang dalagitang biktima kay nagpahuway na og mitapad sa gihegdaan niini.
Sa wala damhang higayon nga nagtuo ang dalagita nga iyang pares ang midug kaniya tungod kay nakainom pud kini apan pagkataod-taod namatyagan niya nga dili kini iyang pares hinungdan nga misukol kini og dinhi nga misibat ang suspek sa maong dapit.
Daling nangayo og tabang ang biktima sa iyang pares aron dakpon ug i-report ang pagpanamastamas kaniya.
Sa pakighinabi sa Bombo Newsteam kang Police Lt. Christian Darcy Fat, ang Hepe sa Inayawan Police Station nga subay sa ilang imbestigasyon nga ilang nadawat ang report pag-abot na sa kabuntagon hinungdan nga miresponded dayon kini og daling nadakpan ra sab ang suspek sa krimen.
Ingon man nga wlaa na misukol o misuway pa og ikyas ang suspek og misurrender na kini s amga awtoridad.
Samtang ang asawa sab sa suspek kay nabalaka sa nabuhat sa iyang bana apan gusto niya kining masilotan og matagam sa binuhatan bisan paman sa kataas sa kapaskuhan.
Kasong rape ang atubangon niini nga kasamtangang giandam sa kapulisan sa Inayawan Police Station.
