Andam ang kanhi Gilas Pilipinas nga si Andray Blatche sa posibilidad nga magsilbing national team coach.
Nagplano siya sa dagan sa iyang basketball career sa hapit na niyang pagretiro.
Matod niya, malipayon niyang dawaton ang maong kahigayonan kung mahatagan kini og kahigayonan nga makasalmot sa programa sa Gilas Pilipinas.
Kahinumduman nga mitabang og nakatampo usab si Blatche sa national team human siya miduwa isip naturalized player niadtong 2014 hangtod 2019.
Mao nga mapasalamaton ang kanhi player sa Gilas ilabi na sa iyang mga nakaduwa, ug niingon nga iyang gikonsiderar ang Pilipinas nga iyang ikaduhang pinuy-anan.
Sa dili pa manamilit sa iyang playing career, makita na usab siya karong tuiga uban sa Strong Group Athletics team alang sa Dubai International Basketball Championship.
Posibleng makit-an na kining basketbolista sa katapusang higayon sa dili pa ang iyang pagretiro sa natad sa professional basketball.
