CEBU CITY-Gikoronahan isip Miss Cebu 2025 si Christine Escanilla atol sa coronation night nga gipahigayon sa usa sa mga hotel ning dakbayan sa Sugbo.
Isip bag-ong Miss Cebu, si Escanilla maoy magsilbi nga face ug ambassadress sa Cebu City, nga adunay mahinungdanong papel sa pagpasiugda sa turismo ug cultural heritage sa syudad.
Ingon man nga gawas sa paglangkat sa korona kay nakadawat usab kini og mga pasidungog sama sa Best in Sustainable Fashion ug Best in Evening Gown.
Midaog siya sa laing 11 ka kandidato ug mipuli kang Miss Cebu 2024 nga si Zoe Cameron.
Sa iyang winning answer diin kalabot sa tema karong tuiga nga ‘Embodying the Heartbeat of the City, ug unsay angay nga mga mithi ang anaa sa usa ka Miss Cebu.
Matud niini nga tulo ka kalidad ang kinahanglan anaa ang Miss Cebu diin mao ang spirituhanon, lumadnon ug usa ka garbo.
Malampuson usab nga nakoronahan ang mga runner up sa maong pasundayag diin ang 1st Runner-Up mao si Angela Magienda Aumonier, 2nd Runner-Up kay si Maijezel Dakay Sarcol, 3rd Runner-Up kay si Tatiana Shantal Benedetti ug ang 4th Runner-Up kay si Kiera Liane Wellington.
