CEBU CITY- Dili mominos sa 1,000 ka mga balikbayan ug bisita ang nangabot sa Sugbo aron mosalmot sa 460th Fiesta Señor nga kapistahan.
Basi sa datos sa Mactan-Cebu International Airport kay miabot sa 1,027 ka balikbayan ug turista ang niabot ubos sa Balik Cebu program ang natala gahapon, Enero 16, 2025.
Hinungdan nga nipadayag ang buhatan sa Department of Tourism (DOT) og pagkamalaumon sa positibong epekto sa Sinulog season sa pagpausbaw sa mga turista.
Diin gilauman nga molambo pa ang turismo sa Sugbo atol sa Sinulog festival, diin ang hotel occupancy rates gikan sa 80 porsiyento ngadto sa 100 porsiyento.
Gihatagan og gibug-aton ni DOT Central Visayas Director Judy dela Cruz Gabato, nga nagsaulog sa kultural nga tradisyon sa Sugbo pinaagi sa mainiton nga pag-abiabi sa mga balikbayan ug turista, nga sagad adunay mga token sama sa mga kwintas.
Ingon man nga mas gilauman pa nga mas madungagan ang ihap sa mga turista hilabi na nga nagkaduol na gayud ang grand parade diin salmutan sa liboan ka mga tawo.
