Gidakop ang duha ka executive sa Cebu-based business process outsourcing (BPO) company, uban sa ilang kauban nga nagbase sa Estados Unidos, tungod sa giingong pagpangilad sa mga tiguwang nga awtor sa US og dul-an sa $44 milyones, o kapin sa P2.5 bilyones.
Ang impormasyon gi-post sa usa ka press release nga gipatik sa United States Attorney’s Office alang sa Southern District of California sa website niini niadtong Enero 15, 2025.
Kung diin si Michael Cris Traya Sordilla ug Bryan Navales Tarosa gidakop sa San Diego, California, niadtong Disyembre 9, 2024.
Nasuta nga si Sordilla ang founder, president, ug chief executive officer sa Innocentrix Philippines, samtang si Tarosa ang bise presidente sa operasyon, kini basi sa sumbong sa mga papel o ‘indictment papers’
Dugang pa, nga ang duha ‘in a relationship’.
Ilado usab si Sordilla sa beauty pageant industry isip judge ug chairman sa Hiyas ng Pilipinas pageant.
Lakip sa mga negosyo nga iyang gilista sa iyang Facebook posts ug sa Innocentrix Philippines website mao ang MCS Group of Companies, MSordilla Builders, MCS Studio, ug Serene Oasis Resort sa Oslob, habagatang Sugbo.
