CEBU CITY-Nakatala og kinatibuk-ang 558 nga pasyente ang Philipine Red Cross Cebu Chapter atol sa Sinulog Grand Parade 2025.
Mas ni-doble kini kon itandi sa miaging sinulog tungod kay mas nidaghan usab ang ihap sa mga misalmot sa kapistahan.
Mao kini ang gipaambit ni Atty. Maria Vera De Jesus, chapter Administrator, PH Red Cross Cebu atol sa pakighinabi sa Bombo Radyo Cebu, diin bisan paman nga ila na kining gilauman ug gipangandaman.
Sa 558 kay 328 ang nagpa-blood pressure, 31 ang major cases ug 185 ang minor cases.
Ingon man nga mikabat sa 14 ang ilang nataho nga gidala sa tambalanan.
Subay niini, mipadayag og pasalamat si De Jesus sa tanang misalig sa ilang mga sakop aron sa paghatag og tabang medical atol sa panahon nga hilabihang nagkinahanglan.
Dugang niini nga nagmalampuson ang ilang operasyon tungod sa kooperasyon ug nasustinar gumikan sa pagsalig ug donasyon nga ilang nadawat.
Ingon man nga mipasalig kini nga ilang palambuon pa ang ilang paghatod og kaluwasan ngadto sa katawhan.
